”பற நாயே”! ஸ்விட்சர்லாந்து போனாலும் விடாத சாதித்திமிர்; எழுத்தாளர் ரவிக்குமாரை வன்மத்துடன் பேசிய இலங்கை தமிழர்

அண்மையில் இலங்கை யாழ் பல்கலைக்கழகம் ஆடைக்கட்டுப்பாடு விதித்திருந்தது. இது குறித்து உலகெங்கிலும் உள்ள தமிழர்கள் கண்டனம் தெரிவித்திருந்தனர். எழுத்தாளர் ரவிக்குமார்  தன்னுடைய முகநூலில் ‘இந்துமயமாகும் யாழ் பல்கலைக்கழகம்’ என்ற தலைப்பில் ஒரு பதிவு எழுதியிருந்தார்.

“இலங்கையில் தமிழர் பகுதியில் அமைந்திருக்கும் புகழ்பெற்ற யாழ்ப்பாண பல்கலைக்கழக ( University of Jaffna ) நிர்வாகம் வகுப்புக்கு வரும் மாணவர்களுக்கான புதிய விதிகளை அறிவித்துள்ளது.

1. மாணவர்கள் வகுப்புகளுக்கு ஜீன்ஸ் பேண்ட், டி ஷர்ட் அணிந்து வரக்கூடாது

2. வெள்ளிக்கிழமைதோறும் மாணவிகள் சேலை அணிந்துவரவேண்டும்

3. மாணவர்கள் தாடியுடன் வகுப்புக்கு வரக்கூடாது

17.02.2016 அன்று இந்த உத்தரவு பிறப்பிக்கப்பட்டுள்ளது. இதற்குமுன் ஒருபோதும் இத்தகைய நடைமுறைகள் அங்கு பின்பற்றப்பட்டதாகத் தெரியவில்லை.

தமிழ்நாட்டு அரசியல் தலைவர் ஒருவர் ஜீன்ஸ் அணிவதையும் டி ஷர்ட் போடுவதையும் தலித் இளைஞர்களின் அடையாளமாகக் குறிப்பிட்டுப் பேசியதை நாம் மறந்திருக்க முடியாது. ஒருவேளை யாழ்ப்பாண பல்கலைக்கழக நிர்வாகமும் அதே கருத்தைக்கொண்டிருக்கிறதா எனத் தெரியவில்லை. வெள்ளிக்கிழமைகளில் மாணவிகள் அனைவரும் சேலை அணியவேண்டும், மாணவர்கள் தாடி வளர்க்கக்கூடாது என்ற விதிகள் அது பல்கலைக்கழகம்தானா என்ற ஐயத்தை நமக்கு எழுப்புகின்றன.

இந்த விதிமுறைகள் நிச்சயம் பேரினவாத ஆட்சியாளர்களால் திணிக்கப்படுபவை அல்ல. ‘தமிழ்ச் சான்றோர்கள்’தான் இதைச் செய்கிறார்கள்.

யாழ்ப்பாண சமூகம் 19 ஆம் நூற்றாண்டை நோக்கி இழுத்துச் செல்லப்படுகிறதோ என்ற ஐயம் அங்கு மீண்டும் முழுவீச்சுடன் சாதிய பாகுபாடுகள் உயிர்ப்பிக்கப்பட்டபோதே எனக்கு எழுந்தது. பஞ்சம மக்களுக்கு சிறிதளவு உரிமையும் கொடுக்காத சாதித் தமிழர்கள் இப்போது தமது சாதி உணர்வுகளுக்கு முட்டுக்கொடுக்க மதத்தை இழுத்து வருகிறார்கள். இதை ஜனநாயக உணர்வுள்ளோர் ஏற்க மாட்டார்கள் என நம்புகிறேன்.

பதுங்கு குழிகளிலிருந்து எழுந்துவரும் இந்தமாதிரியான பிற்போக்குத்தனங்களை ஒழித்துக்கட்டாமல் சமத்துவத்துக்கான குரலை இனி எழுப்பமுடியாது என்பதை ஈழத் தமிழர்கள் உரத்து முழங்கவேண்டும்” என்ற ரவிக்குமாரின் கருத்துக்கு சுப்பையா ரத்தினம் என்பவர் எதிர்வினையாற்றினார். அதற்கு ரவிக்குமார் பதிலளித்தார். இரு கட்டத்தில் சுப்பையா ரத்தினம் சாதிய வன்மத்துடன் ‘பற நாயே’ என்று பின்னூட்டம் இட்டார். சுப்பையா ரத்தினம், இலங்கையில் இருந்து புலம்பெயர்ந்து சுவிட்சர்லாந்தில் வாழும் தமிழர். அவர் பத்திரிகையாளர் என்ற விவரமும் தெரியவந்திருக்கிறது.

ரவிக்குமாருக்கும் ரத்தினத்துக்கு நடந்த உரையாடல் இதோ…

Suppaiah Ratnam தமிழ்நாட்டை போல் தமிழை மறந்து தமிழ் பண்பாட்டை மறந்து செல்வதை போல அன்றி யாழ்ப்பாண பல்கலைக்கழகம் தமிழ் பண்பாட்டை காக்க எடுத்திருக்கும் நடவடிக்கை பாராட்டத்தக்கது. இதில் தமிழை ஒழுங்காக பேச தமிழ் பண்பாட்டை பேணாத தமிழ்நாட்டு காரர்கள் இது பற்றி பேசுவதற்கு எந்த அருகதையும் இல்லை. தமிழ்நாட்டு காரன் உங்கள் வேலையை நீங்கள் பார்த்துக்கொண்டிருங்கள். ஈழத்தமிழர்களின் விடயத்தில் மூக்கை நுழைக்காதீர்கள்.

Ravi Kumar இதை நீங்கள் ஏதோ ஒரு அயல்நாட்டில் இருந்துகொண்டு பேசுவது வியப்பளிக்கிறது. உம்மைப் போன்றோர் இருக்கும் எந்த நாடும் உருப்படாது

Ravi Kumar எங்கள் நாட்டு பிரச்சனையில் ஐநா மூக்கை நுழைக்கக்கூடாது என்றுதான் சிங்களவன் சொல்கிறான். அதே குரலை துரைரட்னம் எதிரொலிக்கிறார்.

Suppaiah Ratnam சேரன். தமிழ்நாட்டு காரர்களால் எங்களுக்கு எந்த விடிவும் கிடைத்ததில்லை. அழிவைத்தவிர. யாழ்ப்பாண பல்கலைக்கழகம் தமிழர் பண்பாடு தொடர்பாக எடுக்கும் நடவடிக்கைகளில் விமர்சனம் செய்ய தமிழ்நாட்டுகாரர்களுக்கு எந்த அருகதையும் கிடையாது. ஈழத்தமிழர்கள் அதை பார்த்துக்கொள்வார்கள்.

Ravi Kumar ஈழத் தமிழ்ச் சமூகம் Cheran Rudhramoorthy போன்றவர்களைத்தான் நம்பியிருக்கிறது

Suppaiah Ratnam ஈழத்தமிழர்களை அழித்த தமிழ்நாட்டு ரவிக்குமார் போன்ற நாய்களே பொத்தடா வாயை

Suppaiah Ratnam என்னைப்பற்றி கதைக்க என்னடா அருகதை இருக்கு உனக்கு. பற நாயே.

Cheran Rudhramoorthy தாடியை மழிக்க வேண்டும் என்பது விடோரியன் காலத்து விழுமியம். தாடியிலும் சேலையிலும்தான் தமிழ்ப் பண்பாடு தங்கி இருக்கிறது என நான் நம்பவில்லை. யாழ்ப்பாணப் பல்கலைக் கழகம் ஏன் ஆண்களுக்கு வேட்டியை அல்லது கோவணத்தைப் பரிந்துரைக்கவில்லை? பெண்கள் மட்டும்தானா கலாசாரக் காவிகள்?

Ravi Kumar இந்த நபர் இந்தியாவில் இல்லை என்ற துணிவில் பேசுகிறார்.

Suppaiah Ratnam சேரன் அதைப்பற்றி யாழ்ப்பாண சமூகம் முடிவெடக்கட்டும். அதை விமர்சனம் செய்ய தமிழ்நாட்டு காரனுக்கு உரிமை கிடையாது. ஈழத்தமிழர்களை அழித்தது போதும். ஈழத்தமிழர்கள் தங்கள் விடயங்களில் சுயமாக முடிவெடுப்பார்கள்.

Cheran Rudhramoorthy துரைரத்தினம், நீங்கள் பொறுப்புடன், நாகரிகமாக எழுத வேண்டும். சாதியைச் சுட்டி எழுவது மிகுந்த கண்டனத்திற்குரியது. ஒரு பொறுப்புள்ள பத்திரிகையாளராக இருந்தீர்கள் என்பதற்காகக்த்தான் நான் உங்கள் குறிப்புக்குப் பதில் எழுதினேன். நீங்கள் ரவிக்குமாரிடம் மன்னிப்புக் கேட்க வேண்டும். அதுதான் முறை.

Suppaiah Ratnam ரவிக்குமார் என்ற நபர் எந்த அடிப்படையை வைத்து நான் சிங்களவர்களின் குரலை பிரதிபலிப்பதாக கூறுவார். இவர்கள் எல்லாம் எங்களை அழித்தவர்கள். எதற்காக இவர்களிடம் மன்னிப்புக்கோர வேண்டும்.

Ravi Kumar இவர் ஒரு பத்திரிகையாளரா?

Ravi Kumar Ramasamy Thurairatnam
உம்மைப்போன்ற சாதிவெறி பிடித்தவர்கள் ஈழத் தமிழ்ச் சமூகத்தின் சாபக்கேடு.

Suppaiah Ratnam இந்தியன்கள் தான் ஈழத்தமிழர்களுக்கு சாபக்கேடு. இந்தியனால் தான் ஈழத்தமிழர்கள் அழிவை சந்தித்தார்கள். இந்தியன் அழிந்தால்தான் ஈழத்தமிழர்களுக்கு விடிவு

Ravi Kumarஇந்த நபரின் வசையால் நான் நிலைகுலையமாட்டேன். ஈழத் தமிழர் பிரச்சனை குறித்த எனது நிலைப்பாடும் செயல்பாடுகளும் எனது மனித உரிமைச் செயல்பாடுகளின் தொடர்ச்சியாக இருப்பவை. அந்தப் பிரச்சனையின் நியாயத்தை ஒரு அற்ப வசையின் அடிப்படையில் நிராகரிக்க மாட்டேன்.

ஈழத் தமிழ்ச் சமூகத்தை அரிக்கும் இத்தகையவர்களின் புற்றுநோய்க் கருத்துகள் ஒழிக்கப்படவேண்டும்.

மத அடிப்படைவாதம் எப்படி சர்வதேச அச்சுறுத்தலாக உள்ளதோ அப்படித்தான் இந்த சாதி அடிப்படைவாதமும் பார்க்கப்படவேண்டும்.

ஈழத்தில் உள்ள பஞ்சம மக்களுக்கு சமத்துவத்தைக் கோரும் பிரச்சாரம் முன்னிலும் தீவிரமாக முன்னெடுக்கப்படவேண்டும் என்பதையே இது உணர்த்துகிறது.

ஜனநாயகத்துக்கு மதிப்பளிக்கும் ஒரு நாட்டில் தஞ்சம் புகுந்திருக்கும் இந்த நபர் அந்த நாட்டின் விழுமியங்களுக்கு அச்சுறுத்தலாக உள்ளார் என்பதையும் கவனிக்கவேண்டும்.

இந்த விவாதத்தைப் பொதுவெளிக்கு எடுத்துச் செல்லுமாறு நண்பர்களைக் கோருகிறேன்.

இந்நிலையில் ஆடைக்கட்டுப்பாடு உத்தரவை யாழ் பல்கலைக்கழகம் திரும்பப் பெற்றுள்ளது குறிப்பிடத்தக்கது.

மன்னிக்கவும் முதல் பதிவில் பத்திரிகையாளர் சுப்பையா ரத்தினத்தின் படத்துக்குப் பதிலாக பத்திரிகையாளர் ரவி அருணாச்சலத்தின் படம் தவறுதலாக பதிவேற்றப்பட்டது. தற்சமயம் அந்தப்படம் நீக்கப்பட்டிருக்கிறது.