ஐஐடி உணவுக்கூடத்தில் மனு தர்ம சாத்திரம்!

படம் 1:
ஐஐடி உணவுக்கூடத்தில் அசைவம் சாப்பிடுவோருக்கு மட்டும் எதிராக எழுதப்பட்ட #அதர்மம்.

படம் 2:
#ஐஐடிசைவங்கள் இருவகைப்படும். ‘வெங்காயம்-பூண்டு இல்லா சைவம்’ அதில் ஒருவகை. இரண்டு சைவத்துக்கும் தனித்தனி உணவுக்கூடம்.

படம் 3:
அசைவம்/சைவம் சாப்பிடும் இடம்தான் தனித்தனியாக பார்த்திருக்கிறேன்… ஆனால், #கைகழுவுமிடமும் #தனித்தனியாக ஐஐடியில்தான் காண்கிறேன்.

இதில் இரண்டை கேள்விக்குட்படுத்தி கொஞ்சம் சிந்திப்போம்:

  1. அசைவதுக்கு எதிராக மட்டும் வைக்கப்பட்டது போல… பூண்டு-வெங்காயத்துக்கு எதிரான ஏதேனும் ஒரு வாசகம், அதை சாப்பிடும் இடத்தில் ஏதுமில்லையே ஏன்..?

  2. தனித்தனி உணவுக்கூடம் இருந்தாலும்… பூண்டு-வெங்காயமற்ற சைவத்துக்கும் சாதா சைவத்துக்கும் தனித்தனி கைகழுவும் இடமில்லையே ஏன்..?

அப்படின்னா… இந்த பாகுபாடுகள் யாவும் ‘உணவை அடிப்படையாக வைத்து அல்ல’ என்று நமக்கு எளிதாக புரிகிறதல்லவா..?!

முகநூலில் ஆர்.ஆர். சீனிவாசன்

பாத்திமாவின் தந்தை அப்துல் லத்தீஃப் முன்வைக்கும் 10 கேள்விகள்

பார்ப்பனிய ஆதிக்கத்தால் நிறுவனப் படுகொலை செய்யப்பட்ட பாத்திமா லத்தீஃப்பின் தந்தை அப்துல் லத்தீஃப் முன்வைக்கும் 10 கேள்விகள்.

  1. எனது மகள் கடிதம் எழுதும் பழக்கம் உடையவள். வீட்டில் என்ன நடந்தாலும் கடிதம் எழுதுவாள். அப்படியிருக்க தற்கொலை செய்ததாக சொல்லப்படும் நேரத்தில் என் மகள் கண்டிப்பாக கடிதம் எழுதியிருப்பாள் .. அது எங்கே..?

  2. ஹாஸ்டல், உணவகம், நூலகம்போன்ற இடங்களின் CCTV பதிவுகளை ஐஐடி நிர்வாகம் தருவதற்கு தாமதிப்பது ஏன்..?

  3. என் மகள் கயிற்றில் தூக்கு மாட்டிக் கொண்டாள் என்று சொல்கிறார்கள். அவளது அறையிலும் கயிறு இல்லை, வெளியிலிருந்தும் கொண்டு வருவதற்கான வாய்ப்புகள் இல்லை..அந்த கயிறு எப்படி கிடைத்தது.

  4. மரணிப்பதற்கு முன்பான இரவில் உணவகத்தில் வைத்து 1மணிநேரம் எனது மகள் அழுதிருக்கிறாள். அவளை சக மாணவி தேற்றியிருக்கிறார். யார் அந்த மாணவி.? 1 மணி அழுகிறாள் எனில் அப்படி என்ன தொல்லைகளை எனது மகள் சந்தித்தாள்?

  1. மரணமடைந்த நாளில் கூட எனது மகளின் அறைக்கு வேறு நபர்கள் சென்றிருக்கிறார்கள். எனது மகளின் அறை அலங்கோலமாக களைந்து கிடந்தது.

  2. எனது மகளின் அறையை புகைப்படம் எடுக்க அனுமதிக்கவில்லை. ஏன்..? எனது மகளின் அறையிலிருந்த மற்றொரு மாணவி அறையை காலி செய்துவிட்டு வேறொரு அறைக்கு சென்று விட்டார்.

  3. தினமும் இரவு 8 மணிக்கெல்லாம் விடுதிக்கு சென்றுவிடும் எனது மகள் சம்பவம் நடந்த அன்று 9 மணிக்கு உணவகத்தில் வைத்து அழுதிருக்கிறாள் எனில், அப்படி என்ன துன்பியல் சம்பவம் நிகழ்ந்தது.?

  4. எப்பொழுதும் தேர்வின் விடைத்தாள்களை தானே சென்று வாங்கி வரும் என் மகள் ஃபாத்திமா, சம்பவம் நடப்பதற்கு முன்பாக தனது தோழியை அனுப்பி சுதர்சன் பத்மநாபனிடம் விடைத்தாளை வாங்கி வரச் சொல்லியிருக்கிறார் எனில் என்ன நடந்தது..?

  5. சம்பவம் நடந்த அன்று 9 மணிக்கு உணவகத்தில் அமர்ந்து எனது மகள் பாத்திமா அழுது கொண்டிருக்கும்போது 9:30 வரை சுதர்சன் பத்மநாபன் ஐஐடி வளாகத்தில்தான் இருந்திக்கிறார்.

  6. எனது மகள் மரணம் குறித்து இதுவரை ஐஐடி அதிகாரப்பூர்வமாக என்னிடமோ, எனது மனைவியிடமோ பேசாசது ஏன்..? அதுமட்டுமல்லாது ஐஐடி யின் மாணவர்களோ, ஆசிரியர்களோ, பேராசிரியர்களோ யாருமே எங்களிடம் ஆறுதலைக் கூட சொல்லாதது ஏன்..??

#JusticeForFathimaLatheef
#JusticeForFathima
#IITmadrasKilledFathima
#ArrestSudharsanPadmanaban

நன்றி: அஹ்மது யஹ்யா அய்யாஷ்

 

ஃபாத்திமா மரணம்: இஸ்லாமிய வெறுப்பின் சிக்கலாகவும் பேசவேண்டும்

ரபீக் ராஜா

“என் பெயரே அவர்களுக்குப் பிரச்சனை”

அன்பு மகள் ஃபாத்திமா லத்தீஃபின் இந்த விசும்பலை எளிதில் கடந்துவிடக்கூடாது. பாஜக இரண்டாம் முறையாக ஆட்சிக்கு வந்தபிறகு, “இனி இஸ்லாமியர்களின் வாழ்வியல் என்னவாகும்?” என்ற எனது பதிவுக்கு, மூத்த இடதுசாரித் தோழர் ஒருவர், “மற்றோர் எல்லாம் என்ன பெருவாழ்வு வாழ்ந்திடப் போகிறார்கள்?” என்று கேட்டு, பதிவின் வீரியத்தைப் பொதுமைப்படுத்திப் பலவீனமாக்கினார்.

“இஸ்லாமியர்களே அவர்களது முதல் குறி” என்றேன். “கல்புர்கி, கௌரி எல்லாம் முஸ்லீம்களா?” என்றார். அதற்கு, “இந்து அடிப்படைவாதத்தை எதிர்ப்பதனால் கொல்லப்படுவதும், இஸ்லாமியர்களாக இருப்பதனாலேயே இவர்கள் கொல்லப்படுவதும் ஒன்றா” என்றேன். விவாதம், நான் இஸ்லாமியச் சார்புடையவன் என்று முடிந்தது வழக்கம் போலவே.

இதேபோல, “வட மாநிலங்களில் நடைபெற்ற கொலைகள், கும்பல் படுகொலைகள் இல்லை; திட்டமிடப்பட்ட கொலைகள்” என்றேன். இல்லை, அவை கும்பல் கொலைகள் தாம் என்றனர் தாராளவாதிகள்.

இப்பொழுது இதனை ஏன் சொல்கிறேன் என்றால், இஸ்லாமிய அரசியல் விவகாரங்களை மற்ற அரசியல் விவகாரங்களைப் போல அணுக முடிகிற சூழல் இல்லை.

இஸ்லாமிய எதிர்ப்பின் மூலமே பாஜக, தன்னைத் தக்கவைக்கிறது ; வளர்கிறது. அதற்கான சமூக ஒப்புதலை முன்பைவிட அதிகமாக இப்போது பெற்றுவருகிறது. சட்டப்பூர்வமாகவும், சமூக வகையிலும் பாஜக தன் திட்டங்களுக்கு ஒப்புதல் பெற்று வளர்கிறது. அதற்கு அது எடுக்கும் முதல் பெரிய ஆயுதம் “இஸ்லாமியர்கள்” .

fatima

பாபர் மசூதி வழக்கின் தீர்ப்பும், பொதுச்சமூகத்தின் இயல்பும் மேற்சொன்னவற்றிற்குச் சான்றுகள். அன்பு மகள் ஃபாத்திமாவின் மரணம் விடும் எச்சரிக்கை.

ரோகித் வெமுலா போன்ற பல இளங்குருத்துகளை நாம் இழந்திருக்கிறோம். உயர்கல்வி நிறுவனங்களில் நிகழும் மரணங்கள் அக்கல்விமுறைமையின் தோல்வியையும், அங்கே நிலவுகிற பாரபட்சங்கள், ஒடுக்குமுறைகளையும் நமக்குத் தெளிவாகக் காட்டுகின்றன.

படிப்பை வியாபாரமாக்கும் அரசு, அதற்கான அனைத்து நெருக்கடிகளையும் மக்கள் மீது திணிக்கிறது. யூஜிசி யைக் கலைப்பது தொடங்கி, 3 ஆம் வகுப்புக்குப் பொதுத்தேர்வு வரை, படிப்பதற்கு நிறைய தடைகளை இந்த அரசுகள் போடுகின்றன. இவை விரிவாகப் பேசப்பட வேண்டும்.

ஃபாத்திமாவின் மரணத்தில் நாம் கூடுதலாக ஒன்றை ஆழமாகப் பேச வேண்டும். அது ஃபாத்திமாவின் மரணக் குறிப்பில் உள்ள, ” MY NAME ITSELF IS A PROBLEM TO THEM” என்பது.

இஸ்லாமியராக இருப்பதாலேயே, நெருக்கடிக்கு உள்ளாக்கப்பட்டிருக்கிறார் என்பதை அந்தப் பிஞ்சின் குறிப்புகள் சொல்கின்றன. இந்தச் சிக்கல் ஏறக்குறைய எல்லா இஸ்லாமியர்களுக்கும் இங்கே வலியாகத் திணிக்கப்படுகிறது.

இந்த இஸ்லாமிய வெறுப்பை, எல்லா நேரங்களிலும் பாஜக வெளிப்படையாகவும், பிற கட்சிகள் அவ்வப்போதும், முற்போக்கு ஆற்றல்களும் சில நேரங்களிலும் வெளிப்படுத்துகின்றன. அதற்கு இந்துப் பெரும்பான்மை வாக்கு வங்கியும், இஸ்லாமியர்களை வாக்குவங்கிகளாக மட்டும் பார்ப்பதும் காரணமாகின்றன.

இஸ்லாமியர்கள் நிகழ்த்தியதாகச் சொல்லப்படும் சம்பவங்களுக்கு, எல்லாத் தரப்பிலிருந்தும் கிட்டத்தட்ட உடனடியாக ஒரே மாதிரியான எதிர்வினை வந்துவிடுகிற இந்த நாட்டில், இஸ்லாமியர்களின் மீதான ஒடுக்குமுறைகளுக்கு எதிராக, நின்று நிதானித்துக்கூட ஒருமித்த ஆதரவு வருவதில்லை. அதற்குக் காரணம், உலகளாவிய இஸ்லாமியத் தீவிரவாதக் கட்டமைப்பை நம்புவது/ஏற்பது.

இத்தகைய மரணங்களின் போது வெளிப்படுகிற பரிதாப உணர்ச்சியை, “அரசியலாக” மாற்றும் அரசியல் இங்கே பெரிதாக இல்லை. எனவே, அவரவர் அரசியல் வகைமைக்கேற்ப எதிர்வினைகள் கிளம்பி, கிளம்பிய வேகத்திலேயே அமுங்கிப்போய் விடுகின்றன.

“தமிழகம் பாதுகாப்பானது என்று நம்பினோம்” என்ற ஃபாத்திமாவின் தாயின் குமுறல், தமிழகத்தில் மாறிவரும் அரசியல் போக்கைக் கோடிட்டுக்காட்டுகின்றது. பினராய் அரசு இதற்கு நீதி கேட்டு களமிறங்கப் போகிறதாம். கேரளக் கல்லூரி வளாக மோதல் கொலைகளும், ஹாதியா வழக்கும் நினைவுக்கு வருகின்றன.

கடந்த தேர்தலில், இஸ்லாமியர்களைக் களமிறக்காத கட்சிகள் ஒருபுறம், பாஜகவின் வாக்குறுதிகளைப் போன்ற காங்கிரசின் வாக்குறுதிகள் மறுபுறம், இடதுசாரிகளின் இஸ்லாமிய – இந்து வாக்குவங்கி அரசியல் இன்னொருபுறம் என, ஏதோவொரு வகையில் இந்த ‘இஸ்லாமோபோபியா” கிட்டதட்ட அனைவருக்கும் இருக்கிறது.

உயர்கல்வி நிறுவனங்களில் நிலவுகிற சாதியப் பாகுபாடுகளைப் போலவே, மதப் பாகுபாடும் அழுத்தமாகப் பேசப்படவேண்டும். ஃபாத்திமா மரணத்தை, உயர்கல்வி சிக்கல், வளாகச் சிக்கல், உளவியல் சிக்கல்களோடு மட்டும் பொருத்திவிட்டுப் போகாமல், நிலவுகிற இஸ்லாமிய வெறுப்பின் சிக்கலாகவும் பேசவேண்டும்.

ரபீக் ராஜா, அரசியல் செயல்பாட்டாளர்.

 

இஸ்லாமிய வெறுப்பும் சாதிய உணர்வுகளும் நிரம்பிய துறை அது: ஐஐடி மாணவி அல்பியா ஜோஸ்

அல்பியா ஜோஸ்

நான் ஒரு ஐஐடி மெட்ராஸின் மாணவர். எனது கல்வி வளாகம் ஒரு உயரடுக்கு சாதியவாத, இனவாதம் பேசும் வன்முறைகூடம். மிக முக்கியமாக அது இஸ்லாமோபோபியாவை கடைப்பிடிக்கிறது.

நவம்பர் 8ம்தேதி ஐஐடி மெட்ராஸில் முதலாமாண்டு எம்.ஏ மானுடவியல் மற்றும் சமூக அறிவியல் மாணவி ஃபாத்திமா லத்தீஃப் தூக்கிட்டு தற்கொலை செய்துகொண்டார். (நானும் அந்த துறையைச் சார்ந்தவர் தான்). இந்த கல்வி வளாகத்தின் அலட்சியம் குறித்தும் அதன் இயல்பான ஆதிக்க தன்மை குறித்தும் குறிப்பாக இங்குள்ள மாணவர்கள் குறித்தும் நான் பயப்படுகிறேன்.

ஒட்டுமொத்த கல்வி வளாகமும் இந்த பிரச்சினையில் மாணவர்கள் மனநலன், இயலாமை மற்றும் கோபம் குறித்து மட்டுமே விவாதித்துக் கொண்டிருக்கிறது. துரதிர்ஷ்டவசமாக அவர்கள் புரிந்துகொள்ள முடியாத புள்ளி ஒன்று இருக்கிறது. (இவை கூட இவர்களின் திட்டமிட்ட பாதுகாப்பான நாடகமாக இருக்குமோ என்று நான் சந்தேகிக்கிறேன்) அந்தப் புள்ளி என்னவெனில் மாணவர்கள் அடையும் மன வேதனைகளுக்கான காரணம் தனிப்பட்டதல்ல.., மாறாக அவை திட்டமிட்டே கட்டமைக்கப்படுகின்றன.

இந்த கல்வி வளாகத்தில் ஏன் தற்கொலைகள் பொதுவானவையாக மாறிவிட்டன என்ற கேள்வியை நாம் கேட்க தவறிவிட்டோம். அதோடு தற்கொலைகள் ஒருபோதும் தனிப்பட்ட அல்லது சமூக அரசியலுக்கானது என்பதை உண்மையென ஏற்றுக்கொள்ள பழகிவிட்டோம். மாணவர்கள் கல்வி சார்ந்து சிறப்பாக செயல்படுவது மட்டுமின்றி இந்த “உயர்’ கல்வி நிறுவனங்களை அடைவதற்கே தொடர்ந்து தங்களது ” தகுதியை ” எல்லா கட்டங்களிலும் நிரூபிக்க வேண்டியிருக்கிறது.

இங்குள்ள முரண்பாடு என்னவெனில் பாத்திமாவின் தற்கொலையை சுருக்கி ஒரு மதம் சார்ந்த விடயமாக்குவதின் மூலம் குறிப்பிட்ட குழுக்களுக்கான பிரச்சினை போல சித்தரித்து பாத்திமாவின் தற்கொலை குறிப்புகளை வலுவிழக்கச் செய்வதுதான் நடந்து கொண்டிருக்கிறது. இந்த நேரத்தில் நாம் அனைவரும் வலியுறுத்த விரும்புவது பாரபட்சமற்ற, முறையான, நேர்மையான நீதி விசாரணை நடக்க வேண்டும் என்பதே.

73537351_2611095422304432_6128886252281266176_n

ஐஐடி மெட்ராஸ் கல்வி வளாகத்தில் குறிப்பாக மானுடவியல் மற்றும் சமூக அறிவியல் துறை அப்பட்டமான முஸ்லிம் வெறுப்பு மற்றும் சாதிய உணர்வுகளால் நிரம்பியுள்ளது. எங்கள் வகுப்பறைகளில் நிலவும் ஒவ்வொரு விவாதத்தின் முடிவிலும் பாகிஸ்தானை இழுப்பதும், முஸ்லிம் பெண்களின் அடையாளங்களை குறிப்பிடுவதாகவே அமையும்.

“பெருமளவு மக்கள் தொகை கொண்ட முஸ்லிம்களும் , கிருஸ்துவர்களும் ஏன் சிறுபான்மையினர் என்று அழைக்கப்படுகிறார்கள். ஒப்பீட்டளவில் பிராமணர்கள் இரண்டு சதவிகிதமே இருக்கும் பொழுது முஸ்லிம்களும் கிருஸ்துவர்களும் தான் சிறுபான்மையினரா..” என்ற கேள்வியை ஒரு முஸ்லிம் பெண் ஆய்வாளரை பார்த்து கேட்கிறார் எனது பேராசிரியர். பிராமணர்கள் சிறுபான்மையினராக இருக்க நினைப்பதென்பது அவர்களது பிராமணிய மனோநிலை. அந்த பிராமணியம் தான் கல்வியை குறிப்பிட்டு பிராமணர்களுக்கு மட்டுமே வழங்க வேண்டுமென போதிக்கிற மனுதர்மத்தினை உயர்த்தி பிடிக்கிறது.

உயர்சாதி அல்லாத மாணவர்களது வருகை என்பது ஐஐடி வளாகத்தில் சாதிய கவலையை அவர்களுக்கு உருவாக்குகிறது. ஒரு முஸ்லிம் ஆய்வு மாணவர் சொல்கிறார் ” முஸ்லிம் மாணவனாக இருப்பதினால் எனது ஆய்வுக் கட்டுரையின் தலைப்பு தொடர்ந்து பலகட்டங்களாக சரிபார்க்கப்பட்டது” , நான் தொடர்ந்து கல்விரீதியாக இது சரியானதுதான் என வாதிட்டேன். ஒரு கட்டத்துக்கு பிறகு ஒரு மூத்த துறைத்தலைவர் என்னிடம் வந்து,

“நன்றாகத்தானே நிதி வருகிறது(Internship) , தலைப்பை மாற்றிவிட்டு வேறு வேலையை கவனிக்கலாமே ” என்று சொன்னார். இந்தக் கல்வி வளாகம் இஸ்லாமிய வெறுப்பையும் (இஸ்லாமோபோபிக்), சாதிய ஆதிக்கத்தையும் கொண்டிருக்கிறது என்பதை நிரூபிக்க இன்னும் எத்தனை உதாரணங்கள் வேண்டும். (மன்னிக்கவும் கொலையுண்டவர் மீண்டு வந்து சொல்லும் வரை இஸ்லாமிய வெறுப்பு (இஸ்லாமோபோபிக்) என்ற சொல்லை பயன்படுத்த முடியாது. ஆதலால் மானுடவியல் மற்றும் சமூக அறிவியல் அறிஞர்கள் இன்று கூறியிருப்பது போல இஸ்லாமிய எதிர்ப்பு உணர்வுகள் என்று சொல்வது நாகரீகமாக இருக்கும்.)

ஐஐடி கல்வி வளாக மாணவர்களுக்கு ஃபாத்திமா தற்கொலை செய்து ஆறு நாட்கள் கடந்துவிட்டன. இந்த தருணம் வரை ஒரு மாணவர் சமூகமாக அநீதிக்கெதிராக நான் ஒன்றிணையவில்லை. ஃபாத்திமாவின் நீதிக்காக மற்ற பல்கலைகழக மாணவர்கள் போராடுகையில் ஐஐடி மெட்ராஸ் மட்டும் அமைதியாக இருக்கிறது. எந்த அமைப்பு ஃபாத்திமாவை கொன்றதோ அந்த அமைப்பினூடாக மௌனமாகவும், தந்திரமாகவும் கடந்து செல்ல இந்த வளாகத்தில் அனைவரும் காத்திருக்கிறார்கள்.

ஃபாத்திமாவிற்கு நீதி வேண்டும்.

தமிழில் : அஹ்மது யஹ்யா அய்யாஷ்

 

 

 

ஐஐடியில் அம்பேத்கர் பெரியார் படிப்பு வட்டத்துக்கு அனுமதி மறுப்பு; மரத்தடியில் உரை நிகழ்த்திய பேராசிரியர்

அம்பேத்கரின் 125வது பிறந்த நாள் விழாவை ஒட்டி மெட்ராஸ் ஐஐடியில் அம்பேத்கர் பெரியார் படிப்பு வட்டம், பேராசிரியர் ராம் புன்யாணியின் உரைக்கு ஏற்பாடு செய்திருந்தது. ‘மத தேசியவாதத்திலிருந்து அம்பேத்கரின் சிந்தனைகளை விடுவித்தல்’ என்ற பொருளில் நிகழ இருந்த இந்த உரை, ஐஐடியின் IC & SR அரங்கில் அம்பேத்கர் பிறந்த நாளான ஏப்ரல் 14ந் தேதி நடத்த தீர்மானிக்கப்பட்டிருந்தது.

இந்நிலையில், இந்த நிகழ்வு ஆரம்பிக்க இருந்த கடைசி நிமிடத்தில் திடீரென அனுமதியை மறுத்திருக்கிறது ஐஐடி நிர்வாகம். காரணம் கேட்டபோது, மாணவர் அமைப்புகள் நடத்தும் நிகழ்வுகளுக்கு இங்கே அனுமதியில்லை.  விதிமுறைப்படிதான் இந்த அனுமதி மறுக்கப்படுகிறது என்று சொல்லியிருக்கிறார். ஆனால் இதே ஐஐடியில் கடந்த மாதங்களில் மாணவர் அமைப்புகள் ஏற்பாடு செய்திருந்த பல நிகழ்வுகளுக்கு நிர்வாகம் எந்த மறுப்பும் சொல்லாமல் அனுமதித்திருக்கிறது என அம்பேத்கர் பெரியார் படிப்பு வட்ட மாணவர்கள் குற்றம் சாட்டியுள்ளனர்.

கார்போரேட்டுகள், ஹிந்துத்துவ குழுக்களுக்கு மட்டும் எவ்வித கட்டுப்பாடும் இன்றி சலுகைகள் வழங்கப்படுவதாக ஆதரத்துடன் அவர்கள் தெரிவித்துள்ளன. அ.பெ.ப.வ. மாணவர்களின் அறிக்கை முழுவதும் கீழே தரப்பட்டுள்ளது.

இந்நிலையில் வேறு வழியில்லாமல் பேராசிரியர், அரங்குக்கு வெளியே மரத்தடியில் உரை நிகழ்த்தியிருக்கிறார்.

On Commemorating the 125th Birth Anniversary of Dr.B.R.Ambedkar, Ambedkar Periyar Study Circle (APSC) had organized a seminar on 14th of April, in which Prof. Ram Punyani delivered a speech on “Liberating Ambedkar’s ideology from the religious nationalism” at the IC & SR auditorium inside IIT Madras.

We had got the required approval from the IIT management for this event with some conditions likes not to issue flyers since it is “menace to habitat”. On 14th Shortly before the seminar could begin, the security personnel of around 7 who were at the entrance of the auditorium, refused to allow people who didn’t have an IIT identity card as per order of Dean of student. Due to this many aspirants of Dr.Ambedkar who came in to hear Prof. Ram Punyani’s speech were not able to attend the meeting and they were sent back with disappointment.

We talked to Dean of Student and Director, they replied this is an old rule outsiders are not allowed for Institute lectures in IITM. This is due to environmental reason. But nobody knows there exit such rule. This is not a case for any of such meeting seminars held inside the campus by any student groups. A recent seminar on “Innovations driving the fourth industrial revolution” by CEO of Switzerland based Robtic company, conducted inside the campus had members joining in from various corporate houses and none of them were denied entry (There is no identify card verifications). Similarly for seminars organized by the pro hindutva study circle the management is not posing any such restrictions. Recently on past January, members of vande matram group organized a lecture on “critiquing contemporary indology studies” by Rajive Malhotra also took place with many outsiders, there was not a single “operating procedure” applied with them. It is only for us that management is showing this discrimination blatantly with no second thought. Once again it has proved that the Institute is not operating for the cause of common people rather for corporate and Hindutva.

Right from the day we decided to have a seminar on Ambedkar’s birth day, the management started creating hurdles and we crossed them one after the other. From compelling us not to conduct any cultural programme and restricting us from issuing pamphlets regarding the Institution did everything in its capacity to stop us. While issuing the pamphlets also, our study circle members were even threatened by a mob of more than 30 pro hindutva students were warned of severe consequences if we continue to spread the thoughts of Ambedkar. This was their last weapon that, not allowing outsiders for the talk, but more number of IIT students was participated and supported us. People from outside constantly argued with the security guards and with our faculty in charge to allow inside the hall, finally we decided to continue the speech outside of IC&SR auditorium. The speech continued there for more than hour and many of IIT students and outside members welcomed our move of conducting the speech outside the auditorium. It is very hard to digest that even during the 125th anniversary of Dr. Ambedkar, such discrimination continues and is sitting in the minds of the highly educated people of the institution.

This is not the single incident; we are suffocating like anything for conducting any such events from the date of commencing of APSC, the restrictions increased even a lot after the re recognition of APSC. APSC condemns the prejudiced, discriminatory and anarchy move of IITM administration towards curbing the activity of our team. We hope? The same activity of IITM admin will not occur in future atleast for the sake of the institute’s reputation!!

APSC TEAM, IIT Madras

ஐஐடி மெட்ராஸில் மீண்டும் தலையெடுக்கும் பிரச்சினை: அம்பேத்கர் பெரியார் வாசகர் வட்டத்தால் அச்சுறுத்தல் இருப்பதாக டீனுக்கு கடிதம்!

கடந்த ஆண்டு ஐஐடி மெட்ராஸில் இயங்கி வந்த அம்பேத்கர் பெரியார் வாசகர் வட்டத்தை தடை செய்தது கல்லூரி நிர்வாகம். இந்து மதத்துக்கு எதிரான கொள்கைகளைப் பரப்புவதாகக் கூறி மத்திய மனித வள மேம்பாட்டு அமைச்சகத்துக்கு வந்த மொட்டைக் கடிதத்தின் பேரில் இந்த மாணவர் அமைப்புக்கு தடை விதிக்கப்பட்டது. ஆனால் இந்தப் பிரச்சினை மாணவர் அமைப்புகளாலும் தமிழக அரசியல் கட்சிகளாலும் போராட்டமாக உருவெடுத்ததால் அம்பேத்கர் பெரியார் வாசகர் வட்டத்துக்கு இருந்த தடை நீக்கப்பட்டது.

ஹைதராபாத் பல்கலை ஆய்வு மாணவர் ரோஹித் வெமுலா தற்கொலை நிகழ்வுக்குப் பிறகு, தலித் மாணவர்கள் பல்கலைக்கழகங்களில் சாதிய ஒடுக்குமுறைகளுக்கு ஆளாவது குறித்து விவாதம் எழுந்திருக்கிறது. இந்நிலையில், ஐஐடி மெட்ராஸில் ஒரு பிரிவு மாணவர்கள் தாங்கள் பிரிவினையை கடைப் பிடிக்கவில்லை என்றும், ஒரே தட்டில் உண்டு, ஒரே கப்பில் குடித்து ஒற்றுமையாக இருக்கிறோம் என்றும், ஆனால் அம்பேத்கர் பெரியார் வாசகர் வட்டம் மட்டும் சாதியத்தை முன்னெடுக்கும் நடவடிக்கைகளில் ஈடுபடுகிறது என்றும் இந்துக்களுக்கு எதிரான கருத்துக்களை பரப்பிவருகிறது என்றும் இதனால் தாங்கள் அச்சுறுத்தலுக்கு உள்ளாகியிருப்பதாக கல்லூரி டீனுக்கு கடிதம் எழுதியிருக்கிறது.

ரோஹித் வெமுலா தலைமையில் செயல்பட்ட அம்பேத்கர் மாணவர் கூட்டமைப்பினர் மீதும் இத்தகைய குற்றச்சாட்டைத்தான் அகில பாரத வித்யா பரிஷத் அமைப்பும் முன்வைத்தது என்பது குறிப்பிடத்தகுந்தது.