உக்ரைன் _ ரஷ்ய போர் பதற்றத்துக்கிடையே ஐரோப்பிய யூனியன் நாடுகளின் பங்குச்சந்தைகள் பெரிதாக பாதிக்கப்படவில்லை. எனினும், யூரோ நாடுகளின் பணவீக்கம் வரலாறு காணாத உச்சத்திற்கு உயர்ந்துள்ளது.
ஐரோப்பிய ஒன்றியத்தின் புள்ளியியல் அலுவலகமான யூரோஸ்டாட் வெளியிட்ட மதிப்பீட்டின்படி, யூரோவைப் பகிர்ந்து கொள்ளும் 19 நாடுகளில் பணவீக்கம் எதிர்பாராத விதமாக ஜனவரி மாதாம் 5.1% லிருந்து பிப்ரவரியில் 5.8% என்ற விகிதத்தில் உயர்ந்துள்ளது.
ஜனவரியில் 28.8% ஆக இருந்த ஆற்றல் செலவு விகிதம் 31.7%-ஆக உயர்ந்துள்ளது. உயர்ந்த பிறகு ஆற்றல் செலவுகள் ஆண்டு விகிதத்தில் 31.7% உயர்ந்தன, அதே சமயம் உணவு மற்றும் ஆல்கஹால் விலைகள் ஜனவரியில் 3.5%லிருந்து 4.1% ஆக உயர்ந்தன.
ஜெர்மனியில் பணவீக்கம் ஜனவரியில் 5.1% இலிருந்து 5.5% ஆக உயர்ந்தது, இத்தாலியில் 5.1% இலிருந்து 6.2% ஆகவும், ஸ்பெயினில் பணவீக்கம் 6.2% இல் இருந்து 7.5% ஆகவும் உயர்ந்தது. பிரான்ஸ் கடந்த மாதம் 4.1% விகிதத்தை பதிவு செய்தது, இது ஜனவரியில் 3.3% ஆக இருந்தது.
உக்ரேனில் அதிகரித்து வரும் போர், மொத்த எண்ணெய் விலை, எரிவாயு விலை மட்டுமல்லாது உலோகங்கள் முதல் கோதுமை வரை மற்ற பொருட்களின் விலைகளை உயர்த்தியுள்ளது, இது வரவிருக்கும் மாதங்களில் உலகளாவிய பணவீக்கத்தை இன்னும் அதிகரிக்கும் அச்சுறுத்தல் இருப்பதாக நிபுணர்கள் தெரிவித்துள்ளனர்.
THE TIMES TAMIL 