விவசாயிகளின் சிறுநீர் குடிக்கும் போராட்டம்: மனித மாண்புகளுக்குப் புறம்பாக தம்மை கீழிறக்கிக் கொள்வதை கைவிட வேண்டும்!

டெல்லியில் போராடிவரும் தமிழக விவசாயிகள், தமது கோரிக்கைகளின் பேரில் மத்திய அரசின் கவனத்தை ஈர்த்துவிடும் நோக்கில் பல்வேறு நூதனப் போராட்டங்களை வருகின்றனர். இந்நிலையில் அவர் சிறுநீர் குடிக்கும் போராட்டத்தை நடத்தவிருப்பதாக அறிவித்துள்ளனர். இது மனித மாண்பை கீழிறக்கிக் கொள்ளும் போராட்டம், அதை கைவிடுத்து வேறு முறைகளில் விவசாயிகள் போராட வேண்டும் என எழுத்தாளர் ஆதவன் தீட்சண்யா வேண்டுகோள் விடுத்துள்ளார். இதுகுறித்து அவர் தனது முகநூலில் பதிவு செய்துள்ள கருத்து:

டெல்லியில் போராடிவரும் தமிழக விவசாயிகள், தமது கோரிக்கைகளின் பேரில் மத்திய அரசின் கவனத்தை ஈர்த்துவிடும் நோக்கில் பல்வேறு நூதனப் போராட்டங்களை நடத்திவந்தனர். ஆனாலும் அரசு தொடர்ந்து பாராமுகமாய் இருந்துவரும் நிலையில் இன்று “சிறுநீர் குடிக்கும் போராட்டத்தை” அறிவித்துள்ளனர். மனித மாண்புகளுக்குப் புறம்பாக தம்மை கீழிறக்கிக் கொள்ளும் இப்போராட்டத்தை கைவிட்டு வேறுவகையில் போராட்டத்தை தொடர வேண்டும்.