அதிமுக, பாஜகவில் வாய்ப்புக் கேட்டுப் போனவர் விஜயதரணி: உருவபொம்மை எரித்து காங்கிரஸார் ஆர்ப்பாட்டம்

விளவங்கோடு தற்போதைய எம்.எல்.ஏ. விஜயதரணி தொகுதிக்கு வருவதில்லை. தொகுதி மக்களுக்கு வளர்ச்சி பணிகள்செய்வதில்லை. தொகுதி வர வேண்டுமானால் கட்டவுட்டுகள், போஸ்டர்கள் ஒட்ட வேண்டும் என்பதால் கடந்த நான்கு ஆண்டுகளாக காங்கிரஸார் கொதித்து போயுள்ளனர்.

ஈவிகேஎஸ் இளங்கோவனுடன் ஏற்பட்ட பிரச்சினையில் தமிழக மகளிரணித் தலைவர் பொறுப்பிலிருந்து விஜயதரணி நீக்கப்பட்டார். அப்போது அதிமுகவில் சேர்வதற்கும் பாஜகவில் சேர்வதற்கும் விஜயதரணி முயற்சிகள் மேற்கொண்டதாக தகவல்கள் வெளியாகின. ஜெயலலிதாவை சந்திக்க நேரம் கேட்டிருப்பதாக விஜயதரணி வெளிப்படையாக பேசினார்.

இந்த சூழ்நிலையில் அகில இந்திய காங்கிரஸ் மகிளா காங்கிரஸில் விஜயதரணிக்கு பொறுப்பு தரப்பட்டது. அடுத்து, விளவங்கோடு தொகுதியின் வேட்பாளராக மீண்டும் விஜயதரணியை கட்சி மேலிடம் அறிவித்தது. காங்கிரஸ் மேலிடத்துடன் முரண்பாடு ஏற்பட்ட நேரத்தில் கட்சிக்காரர்களுடன் தொடர்பு எல்லைக்கு அப்பால் இருந்த விஜயதரணிக்கு ஏன் வாய்ப்பு வழங்க வேண்டும் என்று கேட்டு, அப்பகுதி காங்கிரஸ் கட்சியினர் போராட்டங்கள் நடத்தி வருகின்றனர்.

காங்கிரஸ் 24 ஆம் தேதிஅன்று மாலையில் காங்கிரஸ் கட்சி சார்பில் மேல்புறம் சந்திப்பில் ஒரு திருமண மண்டபத்தில் விஜயதரணியின் எதிர்ப்பாளர்கள் கூட்டம் நடைபெற்றது. இக்கூட்டத்தில் வழக்கறிஞர் பிரேயர் பிரின்ஸ், எட்வின் ஜோசன், ஆமோஸ் மற்றும் ஏராளமானோர் கலந்து கொண்டனர். மக்கள் பணிகள் செய்யாத காங்கிரஸ் கட்சியை உதறிவிட்டு அ.தி.மு.க , பி.ஜே.பி கதவுகளை தட்டி வாய்ப்பு இல்லாமல் போனதால் மீண்டும் காங்கிரஸ் கட்சிக்கு வந்து கட்சிக்கே களங்கம் விளைவித்த விஜயதரணியை புறக்கணிப்போம் என்று கூறி தங்கள் எதிர்ப்பை தெரிவிக்கும் வகையில் மேல்புறம் சந்திப்பில் விஜயதரணியின் உருவ பொம்மையை அவர்கள் எரித்தனர்.

தீக்கதிர் செய்தி உதவியுடன்

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

This site uses Akismet to reduce spam. Learn how your comment data is processed.