“இந்து மக்கள் கட்சி ஆட்சிக்கு வந்தால் திராவிட, காங்கிரஸ், கம்யூனிச, சினிமா, சாராயம், இலவச அரசியல் கலாசாரங்கள் ஒழிக்கப்படும்”

இந்து மக்கள் கட்சியின் தேர்தல் அறிக்கை வெளியிட்டு விழா திருவண்ணாமலையில் செவ்வாய்க்கிழமை நடைபெற்றது. கட்சியின் நிறுவனத் தலைவர் அர்ஜுன் சம்பத், தேர்தல் அறிக்கையை வெளியிட்டு செய்தியாளர்களுக்கு பேட்டியளித்தார்.

தமிழக சட்டப்பேரவைத் தேர்தலில் 234 தொகுதிகளிலும் இந்து மக்கள் கட்சி போட்டியிடுகிறது. இதற்கான நேர்காணல், வேட்பாளர் தேர்வு நடைபெற்று வருகிறது. 567 பேர் விருப்ப மனு அளித்துள்ளனர்.

முதற்கட்டமாக 127 தொகுதிகளின் வேட்பாளர்கள் அறிவிக்கப்பட்டுள்ளனர். திருவண்ணாமலை தொகுதியில் சுந்தர்சுவாமி போட்டியிடுகிறார். அதிமுகவை பாஜக இப்போதுதான் விமர்சித்துப் பேசுகிறது. இது தேர்தலுக்கான விமர்சனங்கள்.

அதிமுக கூட்டணிக்கு முதல்வர் ஜெயலலிதா அழைத்தால், இந்து மக்கள் கட்சி இணைந்து போட்டியிடத் தயார். மக்கள் நலக்கூட்டணி என்பது 3-ஆவது அணி. மாற்றுமில்லை, மாற்றமும் இல்லை. சட்டப்பேரவைத் தேர்தலில் பாஜக தலைமையிலான தேசிய ஜனநாயகக் கூட்டணியில் போட்டியிட இந்து அமைப்புகளுடன் பேச்சுவார்த்தை நடத்த வேண்டும்.

திமுக கொஞ்சம், கொஞ்சமாக முஸ்லிம் அமைப்பாகவே மாறிவிட்டது. தமிழகத்தில் இந்து அமைப்புகளை திமுக, அதிமுக கட்சிகள் தொடர்ந்து புறக்கணித்து வருகின்றன. சிறுபான்மையினரின் வாக்கு வங்கியை மட்டுமே குறி வைத்து திமுக, அதிமுக செயல்படுகிறது. 85 சதவீதம் வாக்கு வங்கி கொண்ட இந்து அமைப்புகளுக்கு முக்கியத்துவம் தருவதில்லை.

தமிழகத்தில் இந்து மக்கள் கட்சி ஆட்சிக்கு வந்தால் திராவிட, காங்கிரஸ், கம்யூனிச, சினிமா, சாராயம், இலவச அரசியல் கலாசாரங்கள் ஒழிக்கப்படும்.

பூரண மதுவிலக்கு அமல்படுத்தப்படும். கள் உணவின் ஒரு பகுதியாக அறிவிக்கப்பட்டு தென்னம்பால், பனம்பால் என்ற பெயரில் விற்பனை செய்யப்படும். 5-ஆம் வகுப்பு வரை தமிழ் மட்டுமே பயிற்று மொழியாக இருக்கும். மும்மொழி கல்வித் திட்டம் செயல்படுத்தப்படும்.

ஊழலை ஒழிக்க லோக் ஆயுக்தா சட்டம் கொண்டுவரப்படும். நெசவாளர்கள் நலன் காக்கும் வகையில், கைத்தறி நெசவாளர்கள் அனைவரும் அரசு ஊழியர்களாக அறிவிக்கப்படுவர். பெண்களின் பாதுகாப்புக்காக 24 மணி நேரமும் செயல்படும் பாதுகாப்புப் படை அமைக்கப்படும். காவல் துறைக்கு சங்கம் அமைக்கப்படும். கோயில்களில் கட்டண தரிசனம் ரத்து செய்யப்படும். திருவண்ணாமலை நகரம் புனித நகரமாக அறிவிக்கப்படும். திருவண்ணாமலை கிரிவலப் பாதையில் உள்ள அனைத்து மாமிசக் கடைகளும் அகற்றப்படும் என்றார்.

தினமணி செய்தி

One thought on ““இந்து மக்கள் கட்சி ஆட்சிக்கு வந்தால் திராவிட, காங்கிரஸ், கம்யூனிச, சினிமா, சாராயம், இலவச அரசியல் கலாசாரங்கள் ஒழிக்கப்படும்”

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

This site uses Akismet to reduce spam. Learn how your comment data is processed.