தேவர் சாதி பெண்ணை திருமணம் செய்துகொண்டார் என்பதற்காக தலித் இளைஞர் சங்கர், உடுமலைப் பேட்டையில் பகல் நேரத்தில் நடுசாலையில் வைத்து வெட்டிக் கொல்லப்பட்டார். அவர் மணந்த கவுசல்யாவுக்கு அரிவாள் வெட்டுகள் விழுந்தன.
இந்த சம்பவம் குறித்து உங்களுடைய கருத்தென்ன என்று பாமக நிறுவனர் ராமாதாஸிடம் தொலைக்காட்சி நிருபர் கேள்வி எழுப்பினார். அதற்கு, “இதைவிட எவ்வளவு செய்தி இருக்கு அதைப் போடுங்க” என்று சொல்லி கிளம்பினார்.
இதையும் படியுங்கள்: ’எவ்ளோ முக்கியமான செய்திகள் சொல்லியிருக்கேன்..மொதல்ல இதப் போடுங்க; பிறகு அதபத்திப் பேசலாம்”தலித் இளைஞர் படுகொலைப் பற்றி ராமதாஸ் கருத்து
அதைச் சொல்லிவிட்டு அவரும் சிரித்தார், அவரைச் சுற்றிலும் இருந்த பாமக பிரதிநிதிகளும் சிரித்தனர் என்பது குறிப்பிடத்தக்கது. இந்நிலையில் டைம்ஸ் ஆஃப் இந்தியா நாளிதழுக்கு அன்புமணி அளித்த பேட்டியில்,
“உடுமலைப் பேட்டை கொலை உட்பட எல்லா கொலைகளையும் நாங்கள் கண்டிக்கிறோம். தமிழகத்தில் சட்டம் ஒழுங்கு பிரச்சினை சரியில்லை என்பதையே இது காட்டுகிறது. பாமகவை நோக்கி மட்டும் இந்தக் கேள்வி வருகிறது. இன்னும் சில கட்சிகள் இதுபற்றி மவுனம் சாதிக்கிறார்களே அவர்களிடம் கேட்பார்களா?” என தெரிவித்திருக்கிறார்.
THE TIMES TAMIL 