தலித்துகளுக்கு திறக்க மறுக்கும் தேவாலய கதவுகள் 20 ஆண்டுகளாக மூடியே கிடக்கின்றன!

தமிழ் ஆதவன்

மூடப்பட்டு கிடக்கும் தச்சூர் கத்தோலிக்க தேவாலயதின் கதவுகள் தலித் கிறிஸ்துவர்கள் உள்ளே வரக் கூடாது என மூடியே கிடக்கிறது.. ஒடுக்கப்பட்டோரை நேசித்த இயேசு இந்தியாவின் ஒடுக்கப்பட்டோரை நேசிப்பதில்லை போலும்.. பாவிகள் மன்னிக்கப்படுவார்கள் என சொன்னது சாதி இந்து கிருஸ்துவர்கள் செய்யும் சாதிக் கொடுமைகளை மன்னித்துக் கொண்டே இருக்கிறது .. ஒரு கன்னத்தில் அறைந்தால் மறு கன்னத்தை காட்டு என்பது இங்கே தலித் கிறிஸ்துவர்களுக்கு மட்டுமே பொருந்துகிறது.

செங்கல்பட்டு அருகே உள்ள தச்சூரில் 20 ஆண்டுகாலமாக கத்தோலிக்க சர்ச் மூடப்பட்டு கிடக்கிறது . வழக்கு இன்னமும் நீதிமன்றத்தில் இருக்கிறது , தலித் கிருஸ்துவர்கள் சர்ச்சுக்குள்ளே வரக் கூடாது என்று வன்னியர், ரெட்டியார் கிருஸ்துவர்கள் எதிர்கிறார்கள். இந்த பிரச்சினையில் முன்னின்று போராடிய தலித் கிருஸ்துவ இளைஞர் ஒருவர் சில ஆண்டுகளுக்கு முன்பு படுகொலை செய்யப்பட்டார்.

தனிக் கல்லறை வழக்கம் கிருஸ்துவர்களிடமும் இருக்கிறது ..கிராமங்களில் தலித் கிருஸ்துவர்கள் சேரிக்குள்தான் வாழ வேண்டும் , சாதி இந்து கிருஸ்துவர்களோடு ஊர்த்தெருவில் குடியிருக்க முடியாது. சாதி இந்து கிருஸ்துவர்கள் சுமார் 13 லட்சம் மட்டுமே இருக்கிறார்கள் ஆனால் அந்த மதத்தின் அனைத்து அதிகார மட்டத்திலும் அவர்களே இருக்கிறார்கள்.. சுமார் 23 லட்சம் தலித் கிருஸ்துவர்கள் இருக்கிறார்கள் ஆனால் எந்த பெரிய அதிகார , நிர்வாக பொறுப்பிலும் குறிப்பிட்டு சொல்லும்படி இல்லை.

சமத்துவத்தை போதித்த கிறிஸ்துவம் தனிக் கல்லறை , தனிக்குவளை , தனி வழிபாடு , தனி வாழ்விடங்கள் என சாதியத்தை முழுமையாக உள்வாங்கிக்கொண்டு இருக்கிறது. இதை வெளிப்படையாக அம்பலப்படுத்தும், எதிர்க்கும் விழிப்புணர்வு இல்லாமல் தலித் கிறிஸ்துவர்கள் இருக்கிறார்கள்.

கிறிஸ்துவத்தில் நிலவும் சாதியத்தை பற்றி நாம் விமர்சித்தாலே தலித் கிறிஸ்துவர்கள்தான் கொந்தளிக்கிறார்கள்.கிறிஸ்துவம்தான் தலித்களுக்கு கல்வி கொடுத்தது,பொருளாதாரம் கொடுத்தது, முன்னேற்றம் கொடுத்தது என்று விவாதம் செய்கிறார்கள்..மதத்தை பரப்ப, மதத்தை வளர்க்க, கிறிஸ்துவம் சலுகைகள் செய்தது , உதவிகள் செய்தது உண்மைதான் அது தலித்களுக்கு மட்டுமல்ல சாதி இந்து கிருஸ்துவர்களுக்கு இதை விட பலமடங்கு செய்தது.

இந்தியாவின் தலித் கிருஸ்துவர்கள் கிருஸ்துவத்தில் இருக்கும் சாதியத்தை , தீண்டாமையை , சம உரிமை மறுப்பை வெளிப்படையாக விமர்சிக்கும் , வெளி உலகுக்கு கொண்டுசெல்லும் ஆற்றல் இல்லாதவர்களாக, கிருஸ்துவத்தின் கவுரவத்தை காப்பாற்றும் விழிப்புணர்வற்ற விசுவாசிகளாகவே இருக்கிறார்கள். இவர்களுக்கு தலித் இந்துக்களில் இருந்து நாம் வேறுபட்டவர்கள், முன்னேறியவர்கள் , நாகரிமானவர்கள் என்று காட்டிக்கொள்ளும் முனைப்புதான் அதிகம் இருக்கிறதே தவிர கிருஸ்துவத்தில் இருக்கும் சாதியத்தை அம்பலப்படுத்தும் ஆற்றல் இல்லை. தலித் கிருஸ்துவர்கள் அங்கே இருக்கும் சாதியத்தை அம்பலப்படுத்தினலோ ,நேரடியாக எதிர்த்து போராடினாலோ சாதிப் பிரச்சினைகள் சர்வதேச அரங்கில் விவாதப் பொருளாகும். பெரும்பாலான தலித் கிருஸ்துவர்கள் சாதிய இழிவுகளை எதிர்த்து நேரடியாக போராட இயலாமல் , தன்னை அடையாளப் படுத்திக்கொள்ளும் ஆற்றல் இல்லாமல் இந்து மதத்தில் இருந்து தப்பித்து ஓடியவர்கள்தான். இவர்களுக்கு அடையாளம் மாறுவதே முக்கியமானது, அடிமைத்தன எதிர்ப்பு தேவையற்றது.

மனுதர்மத்தை மையப்படுத்தியே இயங்கும் இந்துத்துவம் நாகரிக சிந்தனைக்கு எதிரான பிற்போக்கு தத்துவம், அதை மறைமுகமாக உள்வங்கிகொண்ட கிறிஸ்துவமும் பிற்போக்குத் தத்துவமே. தலித் கிறிஸ்துவர்கள் இயேசுவின் தியாகத்தை பேசுவதை நிறுத்திவிட்டு புரட்சியாளர் அம்பேத்கர் , தாத்தா ரெட்டைமலை சீனிவாசனின் தியாகத்தை பேசுங்கள் அடுத்த தலைமுறைக்கு விழிப்புணர்வு வரட்டும், சாதியம் எங்கே இருந்தாலும் அதை எதிர்க்கும் ஆற்றல் வரட்டும்.

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

This site uses Akismet to reduce spam. Learn how your comment data is processed.