போராட்டங்களை கொச்சைப்படுத்துகிறதா நியூஸ் 7 தமிழ்?

போராட்டம் என்பது மக்கள் குறைகளை அரசுக்கு சுட்டிக்காட்டும் ஒரு வடிவம். அரசின் எல்லா அதிகாரக் கதவுகளையும் தட்டிவிட்டுத்தான் இறுதியாகப் போராட்டத்தை மக்கள் கையில் எடுக்கிறார்கள். இவ்வகையில் ஊடகங்கள் போராட்டங்களை இன்னும் விரிவாக அனைத்து தரப்பினரை(அரசு தரப்பு உள்பட)யும் சேரும் பணிகளைச் செய்பவை. செய்ய வேண்டும். அதுதான் ஜனநாயக அமைப்பை தக்க வைத்துக் கொள்ளும் வழிமுறையாக இருக்கும். அதைவிடுத்து “தினந்தோறும் 20 போராட்டங்கள்: நிம்மதி இழந்து தவிக்கும் போலீசார்” என்று தலைப்பிட்டு செய்தி எழுதுவது போராட்டங்களை மழுங்கடித்து, போராட்டங்களை விரும்பாத சர்வாதிகாரத் தன்மையை நிலைநாட்டுவதற்கு உதவி புரிவததாகத்தான் தோன்றும்.

போராட்டத்தைக் கண்காணிப்பதும், அன்றாட நடவடிக்கைகளை பாதிக்காமல் போராட்டத்தை கட்டுப்படுத்துவதுதான் காவல்துறையின் பணி. அரசுக்கே போராட்டங்களை முடக்கும் எண்ணம் இல்லை எனும்போது, ஊடகங்கள் ஏன் போராட்டங்கள் என்றால் பொது மக்களின் அன்றாட வாழ்க்கையை பாதிக்கும் என்ற கோணத்திலே செய்தி வெளியிடுவது ஏன்?

பொது மக்கள் என்பவர் யார்? தண்ணீர் வரவில்லை என்னும் போது அதிகாரத்தின் அனைத்து கதவுகளையும் தட்டிவிட்டு இறுதியாக சாலையில் இறங்கி போராடுகிறார்கள். இப்படிப் போராடுகிறவர்கள் மக்கள் இல்லையா? சாலையில் இந்தப் போராட்டத்தால் அதிகபட்சம் அரைமணி நேரத்தை இழக்கும் பொது மக்களின் துயரம்தான் இங்கே முக்கியமானதா? அல்லது மாதக் கணக்கில் வருடக்கணக்கில் பாதிக்கப்பட்டு போராட்டத்தில் இறங்கியிருக்கும் மக்களின் துயரம் முக்கியமானதா?

நியூஸ் 7 தமிழ் பல நல்ல விவாதங்களை முன்னெடுக்கிறது. ஆனால், போராட்டங்களைக் கொச்சைப் படுத்தும் இத்தகைய செய்திகள் யாரைத் திருப்திப் படுத்த என்கிற கேள்வியும் இங்கே எழுகிறது. தேர்தல் வரும்போது, ஆளும் அரசுகள் வேகமாக பணிபுரிவதாக காட்டிக் கொள்கிறார்கள். நலத்திட்டங்களை செயல்படுத்த முனைகிறார்கள். அந்த சமயத்தில்தான் பாதிக்கப்பட்டவர்கள் தங்கள் குறைகளை சொல்ல முடியும். இதில் ஆரம்பம் முதலே எல்லா அமைப்புகளும் தவறாக இருக்கின்றன. அவையெல்லாம் சரியாக இயங்கியிருந்தால் ஏன் போராட்ட வடிவத்தை மக்கள் முன் வைக்கப் போகிறார்கள்?

போராட்ட வடிவத்தையே புரிந்து கொள்ளாத ஊடகங்கள், எப்படிப்பட்ட பார்வையில் இந்தச் சமூகத்தை அணுகும்? அரசியலை அணுகும்? ஓரிருவரை வைத்துக்கொண்டுதான் தங்கள் நடுநிலை, அறம் பேணும் முகமூடிகளை அணிந்துகொள்கின்றன இந்த ஊடகங்கள்!

நியூஸ் 7 தமிழ் வெளியிட்ட செய்தி இங்கே…

தேர்தல் நெருங்குவதையொட்டி பல்வேறு கோரிக்கைகளை வலியுறுத்தி சென்னையில் தினந்தோறும் 20 போராட்டங்கள் நடப்பதால் பொதுமக்கள் மட்டுமின்றி போலீசாரும் நிம்மதி இழந்துள்ளனர்.

தமிழக சட்டமன்ற தேர்தல் நெருங்குவதையொட்டி பல்வேறு சாதி அமைப்புகளும், அரசு துறைகளில் உள்ள பல்வேறு தொழிற்சங்கங்களும் தங்கள் கோரிக்கைகளை நிறைவேற்ற வலியுறுத்தி அடுக்கடுக்கான போராட்டங்களை சென்னையில் நடத்தி வருகின்றன.

தங்கள் கோரிக்கைகளை நிறைவேற்றுவதாக தேர்தல் அறிக்கை வெளியிடும் கட்சியினருக்கே தங்கள் வாக்கு எனவும் கூறி வருகின்றனர். இந்த நிலையில் சென்னையில் கடந்த சில தினங்களாக நாள் ஒன்றுக்கு குறைந்தபட்சம் 20 போராட்டங்கள் நடப்பதாக காவல்துறையினர் தரப்பில் தெரிவிக்கப்பட்டுள்ளது.

இதனால் கடுமையான போக்குவரத்து நெரிசல் ஏற்படுவதால் பொதுமக்கள் மட்டுமின்றி காவல்துறையினரும் நிம்மதி இழந்துள்ளனர்.

One thought on “போராட்டங்களை கொச்சைப்படுத்துகிறதா நியூஸ் 7 தமிழ்?

  1. அந்தந்த ஊடக நிறுவனங்கள் அதனதன் ’வேலை’யைச் செய்கின்றன. இது ’ஏழு’ செய்திக்கான காலம்போலும்! …. இதற்காகச் சிந்தித்துச் சேவகம்புரியும்படியான கட்டமைப்பு உருவாக்கம் நடப்பதையும் கவனிக்கவேண்டும்.

    Like

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

This site uses Akismet to reduce spam. Learn how your comment data is processed.